ភ្នំពេញពីមុនមិនដូចឥឡូវ

ក្នុងអំឡុងវិស្សមកាលឆ្នាំនេះ ខ្ញុំបានត្រឡប់ទៅលេងផ្ទះនៅទីក្រុងភ្នំពេញបានមួយរយៈធំ
គួរសមដែរ។ មានថ្ងៃមួយនោះ ស្រាប់តែមានធ្លាក់មួយមេយ៉ាងធំលាយឡំជាមួយផ្លេតប
ន្ទោរនិងរន្ទះគួរឲ្យខ្លាចមែនទែនតាមខ្ញុំចាំបានប្រហែលនៅចុងខែមេសាហើយមើលទៅ។
មិនគួរឲ្យជឿប្រមាណជាមួយម៉ោងក្រោយមកស្រាប់តែផ្លូវថ្នល់មុខផ្ទះរបស់ខ្ញុំក្លាយទៅ
ជាអូរឬសិងទៅជាស្ទឹងធ្វើឲ្យខ្ញុំនិងឳពុកក្មេកប្រញាប់ប្រញាល់ទាញការុងខ្សាច់មកទប់ទឹក
កុំឲ្យហូរក្នុងផ្ទះ។ ចំណែកឯចររាចរណ៍វិញ អ្នកបើកឬជិះកង់ ម៉ូតូ ឡាននិងយានជំនិះ
ផ្សេងៗកំពុងប្រញាប់ប្រញាល់នាំគ្នារកផ្លូវណាដែលនៅគោកឬមានទឹកលិចតិចដើម្បីធ្វើ
ដំណើរឆ្ពោះទៅផ្ទះរៀងៗខ្លួន។ មិនគួរជឿទាល់តែសោះ កម្រិតទឹកនៅលើផ្លូវ តាមខ្ញុំ
ស្មានប្រហែលជាពី៤០ទៅ៥០ស.ម.ហើយមើល៎ទៅ ព្រោះកម្រិតទឹកនោះស្ទើរលិចកប់
ផ្លាកលេខឡានទៅហើយ។ បើតាមពត៌មានបន្ថែមពីប្អូនប្រុសរបស់ខ្ញុំ ទឹកលិចស្ទើរគ្រប់
ផ្លូវទូទាំងរាជធានីភ្នំពេញ ធ្វើឲ្យចរាចរណ៍ត្រូវស្ទះគ្រប់ទីកន្លែង។ ជាឧទាហរណ៍ ប្អូន
ប្រុសរបស់ខ្ញុំបានជាប់ស្ទះចរាចរណ៍ប្រមាណជិត២ទៅ៣ម៉ោងទើបជិះម៉ូតូមកដល់ផ្ទះ
នោះគ្រាន់តែពីផ្តុំពេទ្យកាលម៉ែតមកដល់ផ្តុំមេភ្លើងលូរទឹកស្អុយប៉ុណ្ណោះ។ លើសពីនេះ
ហាក់ដូចជាត្រូវចំម៉ាច់តែម្តងនឹងសុភាសិតបច្ចុប្បន្ន ដែលអ្នកមួយចំនួននិយាយលេងថា
“ក្រោយភ្លៀង ផ្លូវលិចទឺក” ។ នេះហើយ “ភ្នំពេញពីមុនមិនដូចឥឡូវ”!!!!។

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

ផ្លូវបែកជាបួនមុខពេទ្យមេគង្គលើបណ្តោយផ្លូវត្រសក់ផ្អែម

កម្រងអនុស្សាវរីយ៍កូនស្រីគឹម វរលក្ស (ភាគទី២)

គឹម វរលក្សក្នុងខែដំបូង

គឹម វរលក្សកើតនៅថ្ងៃចន្ទ័ទី៣១ ខែមិគសិរ ព.ស.២៥៥១ ឬថ្ងៃចន្ទ័ទី៣១ ខែធ្នូ ឆ្នាំ២០០៧
វេលាម៉ោង ១០ .៣០នាទីព្រឹក នៅមន្ទីរពេទ្យកាលម៉ែត ក្រុងភ្នំពេញ។ ចំពោះឆ្នាំសត្វទាំង១២
របស់ខ្មែរវិញ វរលក្សកើតចំសត្វជ្រូក (ឬជ្រូកមាសចំពោះឆ្នាំសត្វក្នុងប្រក្រតិទិនចិន)។

តើឈ្មោះ “វរលក្ស” មានន័យដូចម្តេច?
“វរលក្ស” មកពីការផ្សំពាក្យពីរបញ្ចូលគ្នាគឺ “វរ” និង “លក្ស”។
- ពាក្យ “វរ” = “ពរ” មានន័យថា ប្រសើរ, ខ្ពស់ខ្ពស់, លើសលន់, ថ្លៃថ្លា; ជាចម្បង;
ដែលគួរប្រាថ្នា, គួរចង់បាន, គួរជ្រើសយក; ដែលគួរសូម,… ។
ឧទាហរណ៍ ៖ វរគុណ= គុណដ៏ប្រសើរ, វរបិតា= បិតាប្រសើរ,
វរមិត្ត= មិត្រប្រសើរ, វររាជ= ស្តេចប្រសើរ
- ពាក្យ “លក្ស” មានន័យថាសញ្ញាណឬលក្ខណៈដ៏ល្អប្រសើរនិងវៃឆ្លាត។ឧទាហរណ៍
ស្ត្រីគ្រប់លក្ខណ៍= ស្ត្រីដែលបរិបូណ៌ដោយលក្ខណៈល្អ។
ដូច្នេះ “វរលក្ស” មានន័យថា ជាស្រ្តីដែលមានលក្ខណៈសម្បត្តិដ៏ប្រសើរ និងប្រាជ្ញាវៃឆ្លាត។

ដោយសារសល់តែប៉ុន្មានម៉ោងប៉ុណ្ណោះឆ្នាំសកលចាស់២០០៧ត្រូវផ្លាស់ចូលឆ្នាំសកលថ្មី
២០០៨នោះ នៅក្នុងលិខិតចុះបញ្ជីជាតិ ខ្ញុំនិងក្រុមគ្រួសារបានសម្រេចចិត្តលើកទៅមុខមួយ
ថ្ងៃ ដោយសន្មត់យកថ្ងៃទី០១ ខែមករា ឆ្នាំ២០០៨ជាថ្ងៃកំណើតសម្រាប់ប្រើប្រាស់ជាផ្លូវការ​ ទូទៅវិញ។

គឹម វរលក្សក្នុងខែដំបូង

គឹម វរលក្សក្នុងខែដំបូង

គឹម វរលក្សក្នុងខែដំបូង

គឹម វរលក្សក្នុងខែដំបូង

គឹម វរលក្សក្នុងខែដំបូង

គឹម វរលក្សក្នុងខែដំបូង

ភ្ញៀវទេសចរនៅតំបន់សៀមរាបអង្គរថយចុះ១៤%

ភ្ញៀវទេសចរណ៍កំពុងអង្គុយរងចាំមើលថ្ងៃអស្តង្គតពីលើភ្នំបាខែង

ភ្ញៀវទេសចរនៅតំបន់សៀមរាបអង្គរថយចុះ១៤%

ក្រសួងទេសចរណ៍អំពាវនាវឱ្យសេវាកម្មនានាបន្ធូរបន្ថយតំលៃ

រាជធានីភ្នំពេញ ៖ នៅសណ្ឋាគារអង្គរសេនជូរី ខេត្ដសៀមរាប កាលពីព្រឹកថ្ងៃទី៣ មិថុនា មាន
បើកកិច្ចប្រជុំស្ដីពីសភាពការណ៍ទេសចរណ៍បច្ចុប្បន្ន ក្រោមអធិបតីភាពលោកថោង ខុន រដ្ឋមន្ដ្រី
ក្រសួងទេសចរណ៍ អមដោយលោក ប៊ុន ថាឫទ្ធិ អភិបាលរងខេត្ដសៀមរាប និងមានការចូលរួម
ពីបណ្ដាអង្គភាពស្ថាប័នពាក់ ព័ន្ធគ្រប់ផ្នែក ព្រមទាំងសមាគមទេសចរណ៍ម្ចាស់សណ្ឋាគារផ្ទះ
សំណាក់ប្រមាណ៣០០នាក់ ។

តាមរបាយការណ៍លើកឡើងដោយលោក ង៉ូវ សេងកាក់ អនុប្រធានមន្ទីរទេសចរណ៍ខេត្ដ
សៀមរាប បានឱ្យដឹងថា ខេត្ដសៀមរាបនៅឆ្នាំ២០០៨ សរុបភ្ញៀវទេសចរមានចំនួន
២.២២៥.១៣៤នាក់ បើប្រៀប ធៀបឆ្នាំ២០០៧ (១.៩៩៦.២៩៥នាក់) កើនឡើង ១២,៩៦% ក្នុង
នោះភ្ញៀវទេសចរអន្ដរជាតិចំនួន ១,០៥៩.៨៧០នាក់ បើប្រៀបធៀបទៅនឹងឆ្នាំ២០០៧
(១.១០៤.០៦៩នាក់) ថយចុះ៤% ។ ភ្ញៀវទេសចរ ជាតិចំនួន ១. ១៩៥.២៦៤នាក់បើប្រៀបធៀប
ឆ្នាំ២០០៧ (៨៩២.២២៦នាក់) កើនឡើង៣៣% ។

ដោយឡែកសំរាប់៤ខែដើមឆ្នាំ២០០៩នេះ ខេត្ដសៀមរាបទទួលបានភ្ញៀវទេសចរ សរុប
៩១០.៧៣៤នាក់ ក្នុងនោះភ្ញៀវទេសចរអន្ដរជាតិ មានចំនួន៣៨៤.៦២៩នាក់ បើប្រៀបធៀបទៅ
នឹងឆ្នាំ២០០៨ (៤៤៧.៤៩៥ នាក់) មានការថយចុះ១៤% ។ ភ្ញៀវទេសចរជាតិមានចំនួន
៥២៦.១០៥នាក់ បើប្រៀបធៀបទៅនឹងឆ្នាំ ២០០៨ (៤៥០.៨២៩នាក់) មានការកើនឡើង
១៦,៦៩%។
របាយការណ៍បានឱ្យដឹងទៀតថា ខេត្ដសៀមរាបមានសណ្ឋាគារ១១៧ ស្មើនឹង ៨.៦៧៥បន្ទប់
ក្នុងនោះអ្នក វិនិយោគបរទេស១៨សណ្ឋាគារ និងអ្នកវិនិយោគខ្មែរ៩៩ សណ្ឋាគារសរុបបុគ្គលិក
បំរើការងារ៦.៦៧៥នាក់ (ស្ដ្រី២.៧២០នាក់) និងកំពុងសាងសង់១៣សណ្ឋាគារ ស្មើនឹង
១.២៣៧បន្ទប់។
ផ្ទះសំណាក់មានចំនួន ២១២ស្មើនឹង២.៧៤៦បន្ទប់ ក្នុងនោះអ្នកវិនិយោគបរទេស៣១ផ្ទះ
សំណាក់ និងខ្មែរ១៨១ផ្ទះសំណាក់ សរុប បុគ្គលិកបំរើការងារ៩៦៤នាក់ (ស្រី៦២២នាក់) ។
ភោជនីយដ្ឋាន១១៤ ក្នុងនោះអ្នកវិនិយោគបរទេស៥១ កន្លែង និងខ្មែរ៦៣កន្លែង មានបុគ្គលិក
បំរើការងារ១.៨២៥នាក់ (ស្រី១.១២៣នាក់) ។
លោកង៉ូវ សេងកាក់ បានបញ្ជាក់ថា មន្ទីរទេសចរណ៍ខេត្ដបានបណ្ដុះបណ្ដាលមគ្គុទ្ទេសក៍
១១វគ្គសរុបចំនួន ៣.៤៤៧នាក់។ ម៉ាស្សាមានចំនួន៣៣កន្លែង បុគ្គលិកសរុប៤៦៦នាក់
(ស្រី៣៨៧នាក់)។ ថ្លែងសំណេះសំណាលក្នុងឱកាសនោះ លោកថោង ខុន រដ្ឋមន្ដ្រីក្រសួង
ទេសចរណ៍បានឱ្យដឹងថា វិបត្ដិ សេដ្ឋកិច្ចពិភពលោក បាននិងកំពុងបោកបក់ឆ្លងកាត់ពីអា
មេរិកចូលមកអឺរ៉ុប ហើយបន្ដដល់អាស៊ី ។ ជាមួយ គ្នានេះ វិស័យទេសចរណ៍នៅកម្ពុជាក៏បាន
រងផលប៉ះពាល់នូវវិបត្ដិនេះផងដែរ បូកផ្សំជាមួយវិបត្ដិនយោ បាយនៅប្រទេសថៃផងនោះ។
លោករដ្ឋមន្ដ្រីបញ្ជាក់ថា ភ្ញៀវទេសចរអន្ដរជាតិ ដែលចូលមកកម្ពុជាតាមច្រក ប្រទេសថៃ ទាំង
ផ្លូវគោក ផ្លូវទឹក និងផ្លូវអាកាសមាន៣៥% ចំណែកច្រកប្រទេសវៀតណាមពីមុន៣២% ឥឡូវ
ឡើងដល់៣៤% ប្រហាក់ប្រហែលប្រទេសថៃដែរ មានន័យថា ភ្ញៀវទេសចរបានប្ដូរទិសដៅ
ក្នុងការចូលមកទស្សនាកម្ពុជា ។
នៅក្នុងដំណាក់កាលបច្ចុប្បន្ននេះ ភ្ញៀវទេសចរនៅខេត្ដសៀមរាបមានការធ្លាក់ចុះ ពោលគឺ៤ខែ
ដើមឆ្នាំ ២០០៩ ធ្លាក់ចុះ១៤% ខណៈនៅភ្នំពេញកើនឡើង១២%។ ដើម្បីជួយស្ដារខេត្ដ
សៀមរាបឡើងវិញ គឺ យើងត្រូវចូលរួមទាំងអស់គ្នា ហើយជាយុទ្ធសាស្ដ្រគឺយើងបានបើកច្រក
ខេត្ដព្រះសីហនុ ទាំងផ្លូវទឹក និង ផ្លូវអាកាស ដែលព្រលានយន្ដហោះនៅខេត្ដព្រះសីហនុ
គ្រោងនឹងសម្ពោធដំណើរការនៅខែកក្កដា ខាងមុខ នេះហើយ ។ ភ្ញៀវទេសចរដែលមកតាម
ខេត្ដព្រះសីហនុមាន៤០% ចង់មកលេងអង្គរវត្ដ។ ជាមួយគ្នានេះ ដែរ លោកថោង ខុន បាន
អំពាវនាវសូមឱ្យប្រព័ន្ធផ្សព្វផ្សាយទាំងអស់ ជួយបន្ធូរបន្ថយតំលៃនៃការចុះផ្សាយ និងសុំ
ឱ្យសណ្ឋាគារ ឬផ្ទះសំណាក់នៅទីនេះ (សៀមរាប) ជួយបញ្ចុះតំលៃផងដែរ។ លោករដ្ឋមន្ដ្រី
បានលើក ឡើងថា ក្រសួងទេសចរណ៍មានយុទ្ធសាស្ដ្រ៥ចំណុច ទី១-គឺការផ្សព្វផ្សាយ
ទី២-ការសំរួលការធ្វើដំណើរ និងការដឹកជញ្ជូន ទី៣-ការបញ្ចុះតំលៃដើម្បីទាក់ទាញភ្ញៀវ
ទី៤-ពង្រឹងគុណភាពផលិតផលទេសចរណ៍ និង ទី៥-ជំរុញឱ្យមានទេសចរណ៍ក្នុងស្រុក
ឱ្យបានកាន់តែប្រសើរឡើងថែមទៀត ។ ក្នុងឱកាសនោះដែរ ក៏មាន ការជជែកពិភាក្សា
និងការលើកឡើងរបស់ផ្នែកឯកជនស្ដីពីភាពអសកម្មមួយចំនួន ពាក់ព័ន្ធនឹងវិស័យ
ទេសចរណ៍នេះ សំដៅធ្វើយ៉ាងណា កុំឱ្យភ្ញៀវទេសចរអន្ដរជាតិដែលបានមកទស្សនានៅ
កម្ពុជា មានការអាក់អន់ ស្រពន់ចិត្ដ ដែលកន្លងមកនេះ គេតែងសង្កេតឃើញនូវភាពអវិជ្ជមាន
មួយចំនួនបានកើតឡើង នៅតាម ច្រកទ្វារអន្ដរជាតិប៉ោយប៉ែត បង្កឡើងដោយសមត្ថកិច្ចពាក់
ព័ន្ធដែលខ្វះភាពរួសរាយរាក់ទាក់ និងបង្កបញ្ហា ផ្សេងៗជាច្រើនទៀត ។
(អត្ថបទស្រង់ចេញទាំងស្រុងពីកាសែតកោះសន្តិភាពចុះឆ្នាំទី៤២ លេខ៦៦៦៨
ថ្ងៃសុក្រ ទី០៥ ខែមិថុនា ឆ្នាំ២០០៩)
___________________
ប្រភពបន្ថែម ៖
- កាសែតកោះសន្តិភាព

កម្រងអនុស្សាវរីយ៍កូនស្រីគឹម វរលក្ស (ភាគទី១)

នឹកៗទៅ!!! ពេលវេលាចំជាដើរលឿនទៅមុខយ៉ាងឆាប់រហ័សណាស់ មួយរយៈពេលខ្លីបំផុត
ដែលខ្ញុំបានត្រឡប់ទៅលេងគ្រួសាររបស់ខ្ញុំនៅឯទីក្រុងភ្នំពេញ ជាពិសេសខ្ញុំបានបង្កនូវភាព
ស្និទស្នាលជាមួយកូនស្រីដ៏គួរឱ្យស្រឡាញ់ដែលបែកគ្នាអស់រយៈកាលវែងគួរសមបន្ទាប់
ខ្ញុំបានទទួលអាហារូបករណ៍មករៀននៅបាងកក ប្រទេសថៃ។
ថ្ងៃនេះ ខ្ញុំបានទូរសព្ទ័ទៅលេងប្រពន្ធនៅស្រុកខ្មែរ ខ្ញុំបានទទួលការ រៀបអំពីកូនរបស់ខ្ញុំពី
ប្រពន្ធថា កាលពីយប់ម្សិលមិញ កូនស្រីវរលក្សបានយករូបអាពាហ៍ពិពាហ៍ខ្ញុំនិងប្រពន្ធដែល
ដាក់តាំងនៅក្នុងបន្ទប់របស់ខ្ញុំមកមើលនិងថើប បន្ទាប់មកដេកឳបនឹងស្រែកហៅ
“ប៉ាៗ ម៉ាក់ៗ” រហូតដល់ដេកលក់ទៅ។ លុះព្រឹកឡើង នាងក៏បានយកទូសព្ទ័ដៃយាយ
របស់នាងមកទូសព្ទ័ទៅរកម្តាយរបស់នាងតែម្តង។ ហឺហឺ!!! រៀបរាប់ទៅរៀបរាប់មកធ្វើឪ្យខ្ញុំ
នឹកដល់កូនខ្ញុំមែនទែនតែម្តង។ ហេតុដូច្នេះ មានតែយករូបនាងមកមើលនិងនឹកមមៃដល់
ប៉ុណ្ណោះ ដោយតាមរយៈការចង់កម្រង់រូបថតអនុវស្សាវរីយ៍នេះទៅចុះ!!!!។

កូនស្រីវរលក្សនិងម្តាយ

កូនស្រីវរលក្សថតនៅខែឧសភា ២០០៩

កូនស្រីវរលក្សថតនៅខែឧសភា ២០០៩

កូនស្រីវរលក្សថតនៅខែឧសភា ២០០៩

កូនស្រីវរលក្សថតនៅខែឧសភា ២០០៩

នំលម្អងរំចេកឬដណ្តប់ភួយ

នំលម្អងរំចេកឬដណ្តប់ភួយ

ថ្ងៃនេះ អ៊ុំរបស់ខ្ញុំបានធ្វើនំម្យ៉ាង មានឈ្មោះថានំលម្អងរំចេក ឬនំដណ្ដប់ភួយនៅផ្ទះរបស់
គ្រួសារខ្ញុំឯក្រុងភ្នំពេញ។ ដោយនំនេះមានឈ្មោះគួរឲ្យចាប់រម្មណ៏ ខ្ញុំបានគិតក្នុងចិត្តថា
ប្រហែលគ្រឿងផ្សំរបស់វាលាយផ្សំជាមួយលម្អងផ្ការំចេក[1]  ឬធាតុណាមួយនៃដើមរំចេក
នេះហើយមើល៎ទៅ ក្នុងន័យឲ្យមានឱជារស់ឬមានក្លិនគួរឲ្យចង់ញ៉ាំ!!! តែផ្ទុយទៅវិញ
បន្ទាប់ពីបានជជែកដេញសួរមួយសន្ទុះជាមួយគ្នាមក នំនេះគ្មានចំណែកណាមួយនៃដើម
រំចេកមកផ្សំជាមួយទល់តែសោះ គឺគេ(ប្រហែល)ប្រៀបធៀបទៅនឹងផ្ការំចេកដែលមាន
ផ្កាពណ៌សនិងចេញជាខ្ព[2]  មានដុំលម្អងធំៗក្នុងស្រទាប់ ក្លិនក្រអូបឆ្អិតទៅវិញ។

បើដូច្នោះ តើនំលម្អងរំចេក ឬនំដណ្ដប់ភួយ[3] នេះជានំបែបណាទៅ?

នំលម្អងរំចេកជានំម្យ៉ាងដែលបច្ចុប្បន្នកម្រនឹងឃើញឬលក់នៅលើទីផ្សារសាធារណៈឬនៅ
តាមដងផ្លូវក្នុងភូមិស្រុកទៀតណាស់។ នំនេះមានរស់ជាតិផែ្អមឆ្អិតនិងឆ្ងាញ់ពិសា,  មាន
រូបរាងទ្រវែងមូលប្រមាណមួយចង្អាមកូនក្មេងនិងទំហំប៉ុនមេដៃមនុស្សចាស់ ឬធំទ្រឹស្តិ
ជាងនេះបន្តិច, មានពណ៏សក្បោះដូចផ្ការំចេកដែលបានពោលខាងលើមកនិងអាចរក្សា
ទុកបានយូរទៀតផង។ ស្នូលរបស់វាច្របាច់កូរលាយផ្សំគ្នាពីផ្លែដូងចាស់ល្មមដែលកុះរួច,
ល្ង, ស្ករស ឬស្ករត្នោត និងពេលខ្លះគេបន្ថែមសណ្ដែកដី ដើម្បីឲ្យមានកាន់ឆ្ងាញ់មួយ
កម្រិតទៀត។ រីឯសំបក់រុំស្នូលនេះវិញធ្វើឡើងពីម្សៅអង្ករដំណើបដែលបានត្រាំមួយសន្ទុះ
និងបុកឬកិនដោយម៉ាស៊ីនឲ្យបានម៉ត់ល្អតែម្តង។  ម្សៅអង្ករដំណើបដ៏ម៉ត់ល្អនេះ ត្រូវយក
ទៅរោយក្នុងខ្ទះកំពុងក្ដៅដោយប្រើតម្រង់ ឬស្បៃ រួចក្របមួយសន្ទុះ ទើបយកស្នូលដាក់
ចូលរុំយកតែម្តងជាការស្រេច៕

ការបរិយាយខាងលើនេះ វាហាក់ដូចជាគ្មានអ្វីគួរឲ្យលំបាកទល់តែសោះ ប៉ុន្តែផ្ទុយទៅវិញ
នំនេះត្រូវការភាពអត់ធ្មត់និងផ្ចិតផ្ចង់បន្តិចទើបអាចទៅរួច។ ជាឧទាហរណ៍  ដើមឡើយ
នៅឯស្រុកព្រៃកប្បាសក្នុងខេត្តតាកែវ ភូមិស្ពៃនិងភូមិត្រពាំងទា មានមនុស្សម្នារស់នៅ
ទីនេះមួយចំនួនធំតែងតែធ្វើនំលម្អងលំចេកនេះក្នុងឱកាសពិធីបុណ្យផ្សេងៗ រីឯបច្ចុប្បន្ន
កម្រនឹងឃើញអ្នកភូមិធ្វើនំនេះទៀតណាស់ រហូតដល់ក្មេងៗមួយចំនួនស្ទើរភ្លេចឈ្មោះ
និងធ្ងល់ជាខ្លាំងពីរបៀបធ្វើយ៉ាងម៉េចទើបយកម្សៅអង្ករដំណាប់នេះមករុំបានទៀតផង?
និយាយទៅនិយាយមក ខ្ញុំពិតជាមានសំណាងមែនទែនមិនគ្រាន់តែឃើញនិងជ្រាបពី
របៀបធ្វើទេ ថែមទាំងបានញ៉ាំនំដ៏មានរស់ជាតិនេះទៀតពីដៃអ្នកភូមិជើងចាស់ គឺអ៊ុំរបស់
ខ្ញុំផ្ទាល់តែម្តង។៚

ស្នូលនំធ្វើអំពីល្ងនិងដូង (ឆ្វេង) និងម៉្សៅដំណើប

របៀបធ្វើនំលម្អងរំចេក

អ៊ុំរបស់ខ្ញុំកំពុងអង្គុយធ្វើនំលម្អងរំចេក

នេះហើយ៎បាទ!!!នំលម្អងរំចេកឬដណ្តប់ភួយនោះ

---

[1] រំចេក   ស.  ( ន. )  (លាំច្យើក អ. ថ. លុ័មចៀក) ឈ្មោះ​ប្រទាល​ធំ ឬ​រុក្ខ​ជាតិ​មួយ​ប្រភេទ​​ ស្លឹក​វែង​ៗ មាន​បន្លា​នៅ​ហាម​ទាំង​ពីរ​ខាង ដើម​មាន​សាច់​សាញ​ជា​សរសៃ​ៗ មាន​ឫស​ដុះ​សំយុង ​ដូច​ជា​ពួរ ផ្កា​ចេញ​ជា​ខ្ព មាន​ដុំ​លំអង​ធំ​ៗ​ក្នុង​ស្រទាប់ ក្លិន​ក្រអូប​ឆ្អិត ស្លឹក​ប្រើ​ការ​ត្បាញ​កន្ទេល, សម្ពៀត ជាដើម​បាន :  កន្ទេល​រំចេក, សម្ពៀត​រំចេក ។

[2] ខ្ព  ( ន. )  សំណុំ​ផ្កា​ដូង, ផ្កា​ស្លា​ជាដើម : ផ្កា​ដូង​មួយ​ខ្ព, ផ្កា​ស្លា​មួយ​ខ្ព ។

[3] អ្នកភូមិស្ពៃ និងភូមិត្រពាំងទា ស្រុកព្រៃកប្បាស ខេត្តតាកែវហៅថានំដណ្ដប់ភួយ​ ឬនំលម្អងរំចេក។